St. Pauli 0 - 0 RB Leipzig
St. Pauli er nýliði í efstu deild þýska boltans og tók á móti stórliði RB Leipzig í lokaleik helgarinnar.
Liðin áttust við í St. Pauli hverfi Hamborgar en hvorugu liði tókst að skora í leiknum.
Heimamenn í St. Pauli voru sterkari aðilinn í fyrri hálfleik og óheppnir að koma boltanum ekki í netið.
Það ríkti meira jafnræði á vellinum í síðari hálfleik, sem var afar bragðdaufur.
Þetta er fyrsta stigið sem St. Pauli nælir sér í á deildartímabilinu, en Leipzig er enn taplaust með 8 stig eftir 4 umferðir.
Athugasemdir