Glódís, Sveindís, Albert og Orri á topp tíu

Glódís Perla Viggósdóttir, Sveindís Jane Jónsdóttir, Albert Guðmundsson og Orri Steinn Óskarsson eru öll á topp tíu listanum yfir íþróttamann ársins á Íslandi fyrir árið 2024.

Athöfnin verður þann 4. janúar og þá kemur í ljós hver verður íþróttamaður ársins en Glódís verður að teljast mjög sigurstrangleg.

Glódís Perla varð í 22. sæti í Ballon d'Or kjörinu, efst allra miðvarða. Hún er fyrirliði Bayern München sem varð Þýskalandsmeistari á árinu og þá er hún lykilmaður í íslenska landsliðinu sem komst á EM í Sviss.

Íslenska kvennalandsliðið kemur til greina sem lið ársins og Arnar Gunnlaugsson sem þjálfari ársins.