Þrjú félög hafa samkvæmt heimildum Fótbolta.net áhuga á að fá Arnþór Ara Atlason í sínar raðir frá HK. Það eru Stjarnan og FH í Bestu deildinni og uppeldisfélagið Þróttur Reykjavík sem er í Lengjudeildinni.
Arnþór er samningsbundinn HK en eftir að liðið féll úr Bestu deildinni í haust getur hann fengið sig lausan.
Arnþór er samningsbundinn HK en eftir að liðið féll úr Bestu deildinni í haust getur hann fengið sig lausan.
Arnþór Ari er 31 árs miðjumaður sem gekk í raðir HK fyrir tímabilið 2019 eftir að hafa þar á undan leikið með Breiðabliki. Hann er uppalinn hjá Þrótti og lék þar sín fyrstu tímabil í meistaraflokki áður en hann samdi við Fram fyrir tímabilið 2014 og var þar í eitt tímabil áður en hann hélt í Kópavoginn.
Í sumar skoraði Arnþór sjö mörk í 25 leikjum með HK og var markahæsti leikmaður liðsins ásamt Atla Þór Jónassyni.
Athugasemdir
