Napoli hefur áhuga á því að fá enska landsliðsmanninn Harry Maguire (31) frá Manchester United. Galatasaray er einnig að fylgjast með stöðu varnarmannsins. (Athletic)

Randal Kolo Muani (26), framherji Paris Saint-Germain mun líklega yfirgefa félagið í janúar en fjölmörg ensk úrvalsdeildarlið eru áhugasöm. (Florian Plettenberg)

Christopher Nkunku (27), leikmaður Chelsea, er reiðubúinn að yfirgefa Chelsea í janúar en hann er sagður óánægður með spiltímann hjá enska liðinu. PSG, Fenerbahce og Galatasaray eru öll í baráttunni um franska landsliðsmanninn. (TBR)

Tottenham er að íhuga að leggja fram 20 milljóna punda tilboð í enska U21 árs landsliðsmarkvörðinn James Trafford (22) sem er á mála hjá Burnley. (Mirror)

Manchester United ætlar að berjast við Arsenal um Dusan Vlahovic (24(, framherja Juventus, í janúar. (Football Insider)

Barcelona, Tottenham, Manchester United og Chelsea hafa öll áhuga á Leroy Sane (28), vængmanni Bayern München. (Sport)

Fyrrum landsliðsmarkvörðurinn Manuel Neuer (38) mun líklega framlengja samning sinn við Bayern München til 2026. (Florian Plettenberg)

Ipswich Town og West Ham United vilja fá Hakim Ziyech (31) frá Galatasaray í janúar. (Fichajes)

Tottenham hefur áhuga á Julian Brandt (28), leikmanni Borussia Dortmund og þýska landsliðsins. (Football Transfers)

Arsenal er áfram í viðræðum við Sporting um sænska framherjann Viktor Gyökeres (26). Slóvenski sóknarmaðurinn Benjamin Sesko, sem er á mála hjá Leipzig, er þó enn efstur á blaði Arsenal. (Football Transfers)

Skoski vinstri bakvörðurinn Kieran Tierney er orðaður við endurkomu til Celtic, en Mikel Arteta, stjóri Arsenal, hefur hins vegar sagt að þessi 27 ára gamli leikmaður hafi ekki beðið um að yfirgefa félagið í janúar. (Teamtalk)

Crystal Palace er að vinna í því að fá Jan-Niklas Beste (25), vængmann Benfica. (Sacha Tavolieri)

Thiago Motta, þjálfari Juventus, væri opinn fyrir því að fá hollenska framherjann Joshua Zirkzee (23) frá Manchester United í janúar. Randal Kolo Muani hjá PSG er einnig möguleiki. (Sportmediaset)

Spænska félaginu Barcelona hefur boðist að fá argentínska vængmanninn Alejandro Garnacho (20) frá Manchester United, en Hansi Flick, þjálfari Börsunga, hefur ekki áhuga á að fá leikmanninn. (El Nacional)

Fernando Carro, framkvæmdastjóri Bayer Leverkusen, segir að félagið vilji framlengja við Florian Wirtz (21). Hann hefur verið orðaður við mörg stór félög síðustu mánuði. (Sport1)

Chelsea er að undirbúa tilboð í Youssouf Fofana (25), miðjumann AC Milan á Ítalíu. (Fichajes)