Erla Karitas Jóhannesdóttir og Erna Björt Elíasdóttir.
Erla Karítas Jóhannesdóttir og Erna Björt Elíasdóttir, leikmenn ÍA, hafa undanfarna daga verið til reynslu hjá belgíska félaginu Standard Liege.
Um er að ræða eitt stærsta félagið í Belgíu en kvennalið félagsins er sem stendur í þriðja sæti belgísku úrvalsdeildarinnar.
Um er að ræða eitt stærsta félagið í Belgíu en kvennalið félagsins er sem stendur í þriðja sæti belgísku úrvalsdeildarinnar.
Þær voru báðar frábærar fyrir ÍA sem kom á óvart í Lengjudeild kvenna í sumar.
Báðar eru þær fæddar árið 2002 og spiluðu lykilhlutverk fyrir Skagakonur. Erla Karítas skoraði átta mörk í 18 leikjum og Erna Björt gerði átta mörk í 18 leikjum.
„Frábær gulrót og tækifæri fyrir okkar stelpur eftir góða frammistöðu með Skagaliðinu á liðnu tímabili þar sem þær spiluðu lykilhlutverk í liðinu," segir í tilkynningu ÍA.
ÍA hafnaði í fimmta sæti Lengjudeildarinnar síðastliðið sumar.
Athugasemdir
