Það var lítið sem ekkert rætt um fótbolta á blaðamannafundi eftir leik Bayern gegn Leipzig í þýsku deildinni í gær.
Það gerðust hræðilegir atburðir í þýsku borginni Magdeburg þar sem aðili keyrði á fjölda fólks á jólamarkaði í borginni. Þetta átti sér stað um klukkutíma fyrir leik Bayern og Leipzig en að minnsta kosti tveir eru látnir og 60 slasaðir.
„Það er nánast ómögulegt að tala um fótbolta í kvöld. Núna er fólkið í Magdeburg okkur efst í huga. Vonandi verður friður einhverntíman, ekki bara í Þýskalandi heldur alls staðar. Við unnum í dag en vonandi verða fleiri sigrar fyrir frið á næsta ári," sagði Vincent Kompany stjóri Bayern.
„Ég hef heyrt fréttirnar frá Magdeburg, það setur hlutina í allt annað samhengi. Já, við spiluðum fótbolta. Já, við töpuðum og það sanngjarnt. Benjamin Henrichs gæti verið alvarlega meiddur en aðrir hlutir áttu sér stað í dag sem eru ekki góðir," sagði Marco Rose stjóri Leipzig.
FC Bayern commemorates victims of the Magdeburg attack
— FC Bayern (@FCBayernEN) December 20, 2024
The originally planned Christmas ceremony following the game against Leipzig was cancelled.
"This ceremony should be a happy one - and that is not appropriate. I would like to ask you to remember the relatives," said CEO… pic.twitter.com/oU12f3kdJc
Athugasemdir
