Það var búist við mikið af mörkum þegar Tottenham tók á móti Liverpool í síðasta leik helgarinnar í ensku úrvalsdeildinni. Hér var að ræða um stórleik helgarinnar og jafnframt síðasta leik fyrir jól.

Leikurinn fór fjörlega af stað þar sem gestirnir frá Liverpool voru vaðandi í færum og tókst að skora á 23. mínútu, eftir að hafa komist fjórum sinnum nálægt því í upphafi leiks.

Luis Díaz skoraði fyrsta markið með skalla eftir frábæra fyrirgjöf frá Trent Alexander-Arnold og tvöfaldaði Alexis MacAllister forystuna áður en James Maddison minnkaði muninn eftir klúður hjá MacAllister í vörninni.

Dominik Szoboszlai bætti þriðja marki Liverpool við fyrir leikhlé og var staðan 1-3 þegar flautað var til hálfleiks. Mohamed Salah virtist innsigla sigur Liverpool með tvennu í síðari hálfleik en heimamenn voru ekki á því að gefast upp þó staðan væri orðin 1-5.

Dejan Kulusevski og Dominic Solanke minnkuðu muninn aftur niður í tvö mörk en það dugði ekki til því Luis Díaz innsiglaði sigur gestanna með sjötta marki liðsins.

Lokatölur urðu 3-6 fyrir Liverpool eftir ótrúlega markaveislu á Tottenham Hotspur Stadium.

Liverpool trónir á toppi úrvalsdeildarinnar með 39 stig eftir 16 umferðir. Tottenham er óvænt í neðri hlutanum með 23 stig.

Til gamans má þó geta að Tottenham er búið að skora fleiri mörk heldur en Liverpool á deildartímabilinu.