Ekvadorski varnarmaðurinn Piero Hincapié hefur verið gríðarlega eftirsóttur af liðum úr ensku úrvalsdeildinni en hann er búinn að gera nýjan samning við Þýskalandsmeistara Bayer Leverkusen.
Nýr samningur Hincapié gildir þar til í júní 2029 og ljóst að Leverkusen mun ekki selja hann með neinum afslætti. Talið er að 50 milljónir evra séu nóg til að festa kaup á þessum snögga miðverði, sem getur einnig spilað sem vinstri bakvörður.
Hincapié er 22 ára gamall og hefur þegar spilað 43 landsleiki fyrir Ekvador, auk þess að eiga tæplega 150 leiki að baki fyrir Leverkusen.
Hann býr því yfir góðri reynslu þrátt fyrir ungan aldur, en Liverpool og Tottenham eru meðal félagsliða sem hafa verið sterklega orðuð við hann undanfarin misseri.
Athugasemdir
