Fjölnir er dottið úr leik í umspili Lengjudeildarinnar eftir markalaust jafntefli við Aftureldingu fyrr í dag. Afturelding vann fyrri leikinn í einvíginu 3-1 og fara Mosfellingar því áfram.
Úlfur Arnar Jökulsson þjálfari Fjölnis mætti í viðtal eftir leik.
Úlfur Arnar Jökulsson þjálfari Fjölnis mætti í viðtal eftir leik.
Lestu um leikinn: Fjölnir 0 - 0 Afturelding
„Það var mjög erfitt að koma hingað eftir að hafa tapað fyrri leiknum og leikmyndin var eins og ég bjóst við, þeir lágu mjög neðarlega.
Lið byrjuðu að gera þetta við okkur seinni parts móts og við höfum átt í erfiðleikum með að leysa það."
„Ég er mjög svekktur að við séum dottnir út. Maður er ennþá að melta þetta, þetta er mikið högg. Það er skammt stórra högga á milli. Stærsta höggið er að hafa verið í toppbaráttunni í allt sumar og hafa misst af þessu í lokin að klára ekki fyrsta sætið."
Fjölnir var á toppi deildarinnar í 17. umferð.
„Við missum mikilvæga menn út til Bandaríkjanna og hefðum viljað fá öflugann mann inn í glugganum.
Við sjáum Keflavík sækir erlendann framherja, Afturelding sækir markmann sem gjörbreytir þeirra liði. Okkur fannst við vanta einn öflugann mann fram á við. "
Mikill áhugi er á ungu leikmönnum Fjölnis.
„Það sem gerist gerist. Það er áhugi á þeim. Þetta er kannski gallinn við okkar stefnu, að gefa ungum strákum tækifæri.
Ef við náum ekki að taka skrefið upp í efstu deild þá þegar þeir eru búnir að taka skrefið, koma liðin á þá.
Það er áhugi á okkar leikmönnum og það verða eflaust einhver tilboð, félagið metur það."
Athugasemdir