Varnarmaðurinn hefur leikið fyrir Stjörnuna allan sinn feril og leikir hennar komnir á fjórða hundrað.

Þessi þrítuga fótboltakona þekkir ekkert annað en að spila fyrir Stjörnuna og verður engin breyting á því.

Hún hefur nú skrifað undir samning sem gildir út næstu tvö tímabil eða til 2026.

FJórum sinnum hefur Anna María orðið Íslandsmeistari með Stjörnunni og þrisvar sinnum bikarmeistari.

„Ég er stolt af því að hafa skrifað undir nýjan samning við mitt félag. Nýafstaðið tímabil var krefjandi og fór ekki allt eins og við vonuðumst eftir, en svona er fótboltinn – bæði sigrar og áskoranir. Ég hef upplifað bæði súrt og sætt með þessu félagi og er staðráðin í að halda áfram að leggja mig alla fram fyrir liðið og leikmennina.
Andinn í hópnum er frábær, við erum að byggja upp sterkan grunn og spennan fyrir næsta tímabili er mikil!“ sagði Anna María við undirskrift.