Mikel Arteta, stjóri Arsenal, sat fyrir svörum á fréttamannafundi í dag. Framundan hjá Arsenal er leikur gegn Bolton í deildabikarnum. Sá leikur fer fram á Emirates, heimavelli Arsenal, annað kvöld.
Arteta gaf í skyn á fundinum að einn af leikmönnum liðsins hefði meiðst alvarlega gegn Manchester City á sunnudag. Fjórir leikmenn Arsenal settust niður í leiknum og fengu aðhlynningu á meðan leiknum gegn City stóð.
Arteta gaf í skyn á fundinum að einn af leikmönnum liðsins hefði meiðst alvarlega gegn Manchester City á sunnudag. Fjórir leikmenn Arsenal settust niður í leiknum og fengu aðhlynningu á meðan leiknum gegn City stóð.
„Ég er hrifnari af því að vinna með staðreyndir frekar en tilgátur. Sjáum hverjir verða til taks á morgun og svo getum við talað um myrku öflin eða svoleiðis hluti," sagði Arteta og vísaði í umræðuna eftir leikinn þar sem talað var um leiktafir Arsenal.
„Því miður já, það verða einhverjir leikmenn sem geta ekki spilað. Þið komist að því á morgun."
„Við verðum að bíða með einn af þeim," sagði Arteta þegar hann var spurður hvort að einhver hefði meiðst alvarlega.
Þeir Riccardo Calafiori, David Raya, Jurrien Timber og Gabriel Martinelli þurftu á aðhlynningu að halda í leiknum. Bukayo Saka fór þá af velli í hálfleik.
Athugasemdir