Kyle McLagan hefur verið saknað í síðustu leikjum.
Kyle McLagan varnarmaður Fram hefur ekki spilað síðan 19. ágúst og kemur líklega ekki meira við sögu á tímabilinu.
McLagan var einn besti leikmaður Bestu deildarinnar í byrjun móts og var valinn í úrvalslið umferða 1-11 hér á Fótbolta.net.
Rúnar Kristinsson þjálfari Fram var spurður út í fjarveru Kyle í útvarpsþættinum Fótbolti.net á laugardaginn.
McLagan var einn besti leikmaður Bestu deildarinnar í byrjun móts og var valinn í úrvalslið umferða 1-11 hér á Fótbolta.net.
Rúnar Kristinsson þjálfari Fram var spurður út í fjarveru Kyle í útvarpsþættinum Fótbolti.net á laugardaginn.
„Það er mjög ólíklegt að Kyle verði meira með. Hann var meiddur í heilt ár eftir krossbandaslit. Hitt hnéð er núna að angra hann og hann fékk svakalegt högg í einhverjum leiknum. Það er eitthvað beinmar og hugsanlega flís að þvælast fyrir," segir Rúnar.
„Það er búið að mynda þetta og hann er í meðhöndlun. Hann er byrjaður að skokka aðeins núna. Það er spurning hvort við tökum sénsinn á að láta hann spila. Við látum bara læknana meta hvort það þurfi að opna hann og kíkja á þetta eða hvort hann þurfi bara meiri tíma og verði þá klár 100% þegar undirbúningur hefst fyrir næsta tímabil."
Fram fór út af sporinu í lokaleikjunum fyrir tvískiptingu og missti af því að komast í efri hlutann. Liðið vann 2-0 sigur gegn Fylki í fyrsta leik sínum í neðri hlutanum í gær.
Besta-deild karla - Neðri hluti
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Fram | 23 | 8 | 6 | 9 | 33 - 32 | +1 | 30 |
| 2. KA | 22 | 7 | 6 | 9 | 32 - 38 | -6 | 27 |
| 3. KR | 23 | 5 | 7 | 11 | 37 - 48 | -11 | 22 |
| 4. HK | 22 | 6 | 2 | 14 | 26 - 56 | -30 | 20 |
| 5. Vestri | 23 | 4 | 7 | 12 | 24 - 45 | -21 | 19 |
| 6. Fylkir | 23 | 4 | 5 | 14 | 26 - 53 | -27 | 17 |
Athugasemdir
