Ter Stegen er 32 ára og fór af velli á börum í gær. Það var ljóst að um alvarleg meiðsli væru að ræða og hann verður lengi frá, mögulega allt tímabilið. Spænskir fjölmiðlar segja að hann snúi aftur í fyrsta lagi í apríl.

Barcelona segir að um krossbandaslit séu að ræða og frekari tíðindi komi frá félaginu þegar aðgerðinni er lokið.

Fróðlegt verður að sjá hvernig Börsungar bregðast við þessum meiðslum. Varamarkvörðurinn Inaki Pena fékk traustið þegar Ter Stegen meiddist á síðasta tímabili og hann kom inn af bekknum í gær.

Barcelona trónir á toppi La Liga, liðið hefur unnið alla sex leiki sína.