Miðjumaðurinn hefur gegnt stóru hlutverki í liði Leiknis síðustu ár og var gerður að fyrirliða á síðasta ári eftir að Bjarki Aðalsteinsson yfirgaf félagið og samdi við Grindavík.

Daði er 27 ára gamall uppalinn Leiknismaður sem á 149 deildarleiki og eitt mark fyrir félagið.

Samningur hans átti að renna út eftir þetta tímabil en hann hefur nú framlengt samninginn til 2027.

Hann lék 19 leiki er Leiknir hafnaði í 8. sæti Lengjudeildarinnar í sumar.