Afturelding mun spila til úrslita um sæti í Bestu deild karla annað árið í röð eftir að hafa gert markalaust jafntefli við Fjölni á Extra-vellinum í Grafarvogi í kvöld, en samanlagt fer Afturelding áfram, 3-1.
Jökull Andrésson markvörður Aftureldingar mætti í viðtal eftir leik.
Jökull Andrésson markvörður Aftureldingar mætti í viðtal eftir leik.
Lestu um leikinn: Fjölnir 0 - 0 Afturelding
„Við erum ógeðslega glaðir, þetta var alltaf planið að komast í úrslitin. Ekkert sérstaklega fyrir okkur heldur fyrir aðdáendurna líka. Þau eiga það svo skilið, sérstaklega eftir síðasta tímabil, nú ætlum við að redda þessu fyrir þá."
Afturelding mætir Keflavík í úrslitaleik um sæti í Bestu-deildinni næstkomandi laugardag.
„Ég segi spila okkar leik. Við erum örugglega bestir í deildinni að spila boltanum og svo sýndum við varnarleikinn í dag. Við spilum okkar fótboltaleik og þá eigum við gríðarlegan séns."
Jökull er sáttur að hafa komið til Aftureldingar að láni á miðju tímabili.
„Sérðu ekki brosið á andlitinu á mér, ég er í skýjunum mér líður frábærlega. Maður er frá Mosfellsbæ, ég ólst upp í Aftureldingu. Maður þekkir ábyggilega 99 prósent þeirra í stúkunni, annaðhvort frændi eða frænka eða eitthvað. Þetta er svo gaman, svo mikil veisla."
Viðtalið má sjá í heild sinni í spilaranum hér að ofan.
Athugasemdir