Í Bestu deildinni á Valur heimaleik við Stjörnuna þar sem liðin eru að kljást um þriðja sætið sem veitir þátttökurétt í Evrópukeppni á næsta ári.

Valur er þar með fjögurra stiga forystu á Garðbæinga, þegar fimm umferðir eru eftir.

Breiðablik tekur á móti ÍA á sama tíma og getur tekið toppsætið af Víkingi R. með sigri eða jafntefli, þó það verði ekki nema tímabundið þar sem Víkingar eiga leik til góða gegn FH á miðvikudagskvöldið.

Fyrr um daginn eigast Fjölnir og Afturelding við í undanúrslitaleik umspils Lengjudeildarinnar um síðasta lausa sætið í Bestu deildinni á næsta ári.

Afturelding vann fyrri viðureignina 3-1 á heimavelli og fer seinni leikurinn fram á Extra vellinum í Grafarvogi í dag.

Sigurvegarinn mætir Keflavík í hreinum úrslitaleik um sæti í Bestu deildinni á Laugardalsvelli næsta laugardag.

Besta-deild karla - Efri hluti
19:15 Valur-Stjarnan (N1-völlurinn Hlíðarenda)
19:15 Breiðablik-ÍA (Kópavogsvöllur)

Lengjudeild karla - Umspil
15:45 Fjölnir-Afturelding (Extra völlurinn)