Oleksandr Zinchenko.
Oleksandr Zinchenko, fyrirliði og ein skærasta stjarna úkraínska landsliðsins, er sagður tæpur fyrir leikinn gegn Íslandi á morgun. Þessi leikmaður Arsenal er algjör lykilmaður.
„Ég veit ekki hversu tilbúinn Olaksandr er til að spila tvo leiki með svona stuttu millibili. Við höfum ekki enn tekið ákvörðun um hvort hann muni spila," segir Serhiy Rebrov landsliðsþjálfari Úkraínu.
„Ég veit ekki hversu tilbúinn Olaksandr er til að spila tvo leiki með svona stuttu millibili. Við höfum ekki enn tekið ákvörðun um hvort hann muni spila," segir Serhiy Rebrov landsliðsþjálfari Úkraínu.
„Olaksandr á skilið að spila. Því miður hefur hann misst mikið út hjá Arsenal. Ég veit ekki hvort hann sé klár í tvo leiki."
Undirritaður fylgdist með hluta æfingar úkraínska liðsins í dag ásamt Helga Fannar Sigurðssyni stuðningsmanni Arsenal og erum við sammála um að Zinchenko hafi verið gríðarlega ferskur þær fimmtán mínútur sem fjölmiðlar fengu að horfa á.
Klukkan 19:45 á morgun mætast Úkraína og Ísland í úrslitaleik um sæti á Evrópumótinu en leikið er í borginni Wroclaw í Póllandi.
Athugasemdir
