Como er búið að krækja sér í Máximo Perrone á lánssamningi frá Manchester City sem gildir út tímabilið.
Perrone er 21 árs gamall og leikur sem varnarsinnaður miðjumaður. Hann var keyptur til Man City í fyrrasumar og lánaður beint til Las Palmas í spænska boltanum þar sem hann stóð sig vel.
Hann þykir þó ekki tilbúinn fyrir aðalliðið hjá Man City og fær að reyna fyrir sér á Ítalíu í vetur.
Como eru nýliðar í efstu deild og byrjuðu á 3-0 tapi gegn Juventus í fyrstu umferð á nýju deildartímabili.
Perrone á 14 leiki að baki fyrir yngri landslið Argentínu og hefur komið tvisvar sinnum við sögu með meistaraflokki Man City.
Como er meðal annars búið að krækja í Pepe Reina, Raphaël Varane og Sergi Roberto í sumarglugganum.
Como 1907 is delighted to announce that Máximo Perrone will join the club on loan from @ManCity.
— Como1907 (@Como_1907) August 25, 2024
The creative midfielder joins the club after an excellent pre-season on a one-year loan deal with option to extend. pic.twitter.com/81qEIt2CCX
Athugasemdir
