Rodriguez, sem er nú 33 ára gamall, var á mála hjá Real Madrid frá 2014 til 2020.

Eftir magnað heimsmeistaramót í Brasilíu var hann keyptur til félagsins frá Porto, en stóðst engan veginn þær væntingar sem gerðar voru til hans.

Félagið lánaði hann til Bayern München árið 2017 og eyddi hann tveimur árum þar áður en hann samdi síðan við Everton árið 2020, þá undir stjórn Carlo Ancelotti.

Síðan þá hefur hann spilað með Al Rayyan, Olympiakos og nú síðast Sao Paulo, en hann er nú að snúa aftur í Evrópuboltann.

Fabrizio Romano segir Rodriguez vera á leið til Rayo Vallecano í La Liga. Kólumbíumaðurinn mun gera samning út tímabilið með möguleika á að framlengja samninginn til 2026.

Rodriguez var einn af bestu mönnum Copa America í sumar, en hann gaf sex stoðsendingar og skoraði eitt mark er Kólumbía komst í úrslit í fyrsta sinn í 23 ár.