Argentínski landsliðsmaðurinn Nicolas Gonzalez er kominn til Juventus frá Fiorentina, en þetta kemur fram í tilkynningu frá Juventus í kvöld.
Juventus og Fiorentina náðu samkomulagi um Gonzalez um helgina, en hann kemur á láni út tímabilið og skiptir hann alfarið yfir næsta sumar fyrir 38 milljónir evra.
Hann gekkst undir læknisskoðun í dag og var síðan kynntur hjá félaginu í kvöld.
Argentínumaðurinn var í stóru hlutverki hjá Fiorentina sem komst tvö ár í röð í úrslitaleik Sambandsdeildar Evrópu, en einnig var hann í landsliði Argentínu sem vann HM og Copa America.
Gonzalez, sem er 26 ára gamall, hefur einnig verið á mála hjá Stuttgart og Argentinos Juniors. Hann á 39 A-landsleiki og 5 mörk á fimm ára landsliðsferli sínum.
Juventus hefur ekki sagt sitt síðasta á markaðnum. Félagið ætlar að bæta vængmanni við hópinn fyrir gluggalok.
Nicolas Ivan "Nico" Gonzalez to Juventus, prepare for take-off! ????
— JuventusFC ???????????????? (@juventusfcen) August 25, 2024
Athugasemdir
