Marc Guehi.
Newcastle mun áfram í þessari viku reyna að ná samkomulagi um kaup á varnarmanninum Marc Guehi frá Crystal Palace.
Newcastle gerði nýverið 60 milljón punda tilboð í Guehi en tilboðið gat svo hækkað um 5 milljónir punda í árangurstengdum greiðslum.
Newcastle gerði nýverið 60 milljón punda tilboð í Guehi en tilboðið gat svo hækkað um 5 milljónir punda í árangurstengdum greiðslum.
Tilboðinu var ekki hafnað en félögin eru að ræða sín á milli. Talið er að Palace vilji að uppbyggingin á mögulegu kaupverði sé öðruvísi.
Guehi var fyrirliði Palace í tapi gegn West Ham um liðna helgi og talaði hann í kringum þann leik eins og hann yrði áfram hjá félaginu. Joachim Andersen var seldur á dögunum frá Palace til Fulham og væri það mikið högg að missa annan lykilmann úr vörninni.
Guehi er 24 ára og lék alla leiki nema einn með Englandi á EM í sumar.
Athugasemdir
