Stjarnan og HK mætast í 20. umferð Bestu deildar karla á Samsungvellinum í Garðabæ.

Stjörnumenn eiga möguleika á að komast upp fyrir Fram og KA og í sjötta sætið á meðan HK er í næst neðsta sæti og getur komið sér upp úr fallsæti.

Í 2. deild mætast Haukar og Selfoss. Staðan er þannig að Selfyssingar geta sett annan fótinn í Lengjudeildina með hagstæðum úrslitum en liðið er á toppnum með 41 stig, sex stigum á undan Þrótti V. sem er í þriðja sætinu.

Þá er mikilvægur leikur í toppbaráttunni í 4. deild. Ýmir tekur á móti Árborg í Kórnum. Ef Árborg tekst að vinna Ými þá mun Tindastóll fara upp um deild. Árborg er í 2. sæti með 31 stig, en Ýmir í þriðja sæti með 30 stig.

Leikir dagsins:

Besta-deild karla
19:15 Stjarnan-HK (Samsungvöllurinn)

2. deild karla
18:00 Haukar-Selfoss (BIRTU völlurinn)

4. deild karla
19:15 Ýmir-Árborg (Kórinn)