Lenglet lánaður til Atletico (Staðfest)

Atletico Madrid hefur fengið miðvörðinn Clement Lenglet lánaðan frá Barcelona út tímabilið. Ekki er neitt ákvæði um kaupmöguleika.

Þessi 29 ára örvfætti franski leikmaður er að fara að spila í spænska boltanum í fyrsta sinn í þrjú ár.

Aðdáendur enska boltans þekkja hann vel eftir að hann spilaði fyrir Aston Villa á láni á síðasta tímabili og hjá Tottenham þar á undan.

Barcelona er með gott úrval varnarmanna og vildu létta á launagreiðslum félagsins þar sem Lenglet átti ekki að vera í stóru hlutverki undir stjórn Hansi Flick.