Tveir af þeim særðu eru í lífshættu en árásarmaðurinn var handtekinn á staðnum. Hann er 46 ára og á við geðræn vandamál að stríða, búið er að útiloka að um hryðjuverkaárás hafi verið að ræða.

„Ég er heppinn að vera á lífi, ég sá einstakling deyja fyrir framan mig," sagði Marí við La Gazzetta dello Sport.

Hann var að versla ásamt eiginkonu sinni og syni, sem var í vagni. Skyndilega fann hann fyrir sársauka í baki og sá svo árásarmanninn skera annan einstakling á háls.

Adriano Galliani, forseti Monza, heimsótti Marí á sjúkrahúsið. Hann segir að leikmaðurinn muni ná sér að fullu.

„Pablo er ótrúlegur náungi. Hann var með styrk til að slá á létta strengi og tilkynnti mér að hann kæmi aftur til æfinga eftir helgi. Ég færði honum kveðjur frá Silvio Berlusconi (forseta félagsins) og öðrum hjá félaginu. Liðsfélagar hans vildu koma en það var ekki hægt," sagði Galliani.

Corriere della Sera segir að Massimo Tarantino, fyrrum leikmaður Napoli og Inter, hafi verið meðal þeirra sem hafi stöðvað árásarmanninn og yfirbugað hann.