Aston Villa er búið að skrá sig í baráttuna um franska sóknarmanninn Randal Kolo Muani, sem er á mála hjá Paris Saint-Germain í Frakklandi, en þetta segir L'Equipe.
Kolo Muani, sem er 26 ára gamall, er ekki í myndinni hjá Luis Enrique hjá PSG og ekki verið í hópnum í síðustu leikjum.
Mörg félög í ensku úrvalsdeildinni hafa sýnt honum áhuga síðustu vikur en hann hefur verið orðaður við bæði Manchester United og Tottenham.
L'Equipe segir Aston Villa nú komið í baráttuna um franska landsliðsmanninn.
Kolo Muani hefur aðeins skorað tvö mörk í fjórtán leikjum á þessu tímabili.
Athugasemdir
