Mikel Arteta, stjóri Arsenal, segir ekkert annað í stöðunni en að halda áfram að vinna leikina og vonast til þess að Liverpool misstigi sig í titilbaráttunni.
Arsenal heimsækir Brentford í ensku úrvalsdeildinni í fyrsta leik ársins í dag.
Ef Arsenal tapar þeim leik þá missir það af lestinni en Liverpool er níu stigum fyrir ofan Lundúnaliðið.
„Við verðum að halda áfram að vera eins og hamar, mæta á hverjum degi og ef eitthvað lið vinnur alla leikina þá óskum við þeim til hamingju og förum inn í næsta tímabil,“ sagði Arteta.
Ekkert lið hefur unnið alla deildarleiki sína eftir áramót og treystir Arteta á að það verði áfram þannig á þessu tímabili.
„En ef þeir vinna ekki alla leikina þá verðum við mættir,“ sagði hann enn fremur.
Athugasemdir
