Skagamaðurinn var í byrjunarliði Preston annan leikinn í röð eftir góða frammistöðu í síðustu umferð.

Vondur fyrri hálfleikur hjá Preston gegn WBA í dag þvingaði Paul
Heckingbottom, stjóra Preston, til að gera breytingar í hálfleik. Stefán fékk gult spjald undir lok hálfleiksins og ákvað Heckingbottom því að taka hann af velli ásamt Josh Bowles.

Preston náði inn einu marki í síðari hálfleiknum en lengra komst liðið ekki. WBA er í 5. sæti deildarinnar en Preston í 15. sæti.

Hannibal Mejbri, fyrrum leikmaður Manchester United, fékk að líta rauða spjaldið í markalausu jafntefli Burnley gegn Stoke City fyrir ótrúlega heimskulegt brot. Hann steig viljandi ofan á liggjandi leikmann Stoke undir lok leiks og uppskar rautt spjald.

Leeds og Blackburn gerðu þá 1-1 jafntefli. Bæði mörkin komu undir lok leiksins. Pascal Struijk skoraði úr vítaspyrnu fyrir Leeds á 87. mínútu en Danny Batth jafnaði í upphafi uppbótartímans.

Leeds er áfram á toppnum með 52 stig en Blackburn, sem var án Arnórs Sigurðssonar í dag, er í 6, sæti með 39 stig.

Burnley 0 - 0 Stoke City
Rautt spjald: Hannibal Mejbri, Burnley ('87)

Cardiff City 1 - 1 Coventry
1-0 Alex Robertson ('6 )
1-1 Tatsuhiro Sakamoto ('46 )
Rautt spjald: Callum Robinson, Cardiff City ('47)

Leeds 1 - 1 Blackburn
1-0 Pascal Struijk ('87 , víti)
1-1 Danny Batth ('90 )

Luton 0 - 1 Norwich
0-1 Marcelino Nunez ('73 )

Portsmouth 4 - 0 Swansea
1-0 Josh Murphy ('22 )
2-0 Paddy Lane ('29 )
3-0 Ryley Towler ('61 )
4-0 Colby Bishop ('78 )

Sheffield Wed 4 - 2 Derby County
1-0 Barry Bannan ('8 )
2-0 Josh Windass ('61 )
3-0 Djeidi Gassama ('63 )
3-1 Jerry Yates ('68 )
4-1 Anthony Musaba ('74 )
4-2 Ebou Adams ('90 )

West Brom 3 - 1 Preston NE
1-0 Josh Maja ('18 )
2-0 Callum Styles ('35 )
3-0 Josh Maja ('40 )
3-1 Ryan Ledson ('70 )