Andri Lucas í leik með Gent.
Íslenski landsliðssóknarmaðurinn Andri Lucas Guðjohnsen hefur ekki náð að standa undir væntingum hingað til hjá belgíska liðinu Gent, síðan hann var keyptur frá Lyngby í Danmörku.
Andri er með þrjú mörk og eina stoðsedingu í sautján leikjum í belgísku úrvalsdeildinni og hefur fengið gagnrýni í fjölmiðlum.
Andri er með þrjú mörk og eina stoðsedingu í sautján leikjum í belgísku úrvalsdeildinni og hefur fengið gagnrýni í fjölmiðlum.
„Það truflar mig ekki að kaupin á Andra séu tengd mér en það gæti pirrað hann," segir Arnar Þór Viðarsson sem er íþróttastjóri Gent. Hann kemur Andra til varnar.
„Ég veit hversu góður hann er, og hversu góður hann getur orðið. Hann hefur ekki náð að sýna það enn hvers hann er megnugur, en hann mun gera það. Það er ekki hægt að ganga að neinu vísu en það borgar sig ekki að dæma of snemma."
Arnar nefnir sem dæmi þýska sóknarmanninn Tim Kleindienst sem fékk mikla gagnrýni hjá Gent en er í dag að skila mörkum fyrir Borussia Mönchengladbach í þýsku Bundesligunni.
Athugasemdir
