Joshua Zirkzee.
Ben Foster, fyrrum markvörður Manchester United, telur að ferill Joshua Zirkzee hjá United væri búinn ef Sir Alex Ferguson væri enn stjóri liðsins.
Man Utd tapaði 2-0 gegn Newcastle í síðasta leik sínum árið 2024 en eftir hálftíma leik var Zirkzee tekinn af velli.
Man Utd tapaði 2-0 gegn Newcastle í síðasta leik sínum árið 2024 en eftir hálftíma leik var Zirkzee tekinn af velli.
Zirkzee var eðlilega ekki ánægður og ákvað að fara beint inn í klefa en kom síðar aftur út og settist á bekkinn. Það var baulað á Zirkzee þegar hann hljóp inn í klefa.
„Ef Alex Ferguson hefði verið stjóri þarna, þá væri leikmaðurinn bara búinn," sagði Foster í hlaðvarpi sínu.
„Ef þú hefðir gert þetta hjá honum, þá værir þú búinn. Ég lofa þér því. Ég er viss um að einhver hafi farið inn í búningsklefa og sagt við hann að þetta væri ekki í lagi."
Zirkzee var keyptur til Man Utd frá Bologna á Ítalíu síðasta sumar og hefur valdið miklum vonbrigðum til þessa hjá félaginu.
Athugasemdir
