Fótboltafréttamaðurinn Fabrizio Romano hefur sett „here we go" stimpilinn sinn á félagaskipti varnarmannsins Emmanuel Agbadou til Wolves.
Agbadou er 27 ára gamall miðvörður frá Fílabeinsströndinni sem kemur til Úlfanna frá Reims í Frakklandi.
Wolves borgar í heildina um 20 milljónir evra til að klófesta þennan leikmann, sem á 11 landsleiki að baki fyrir þjóð sína.
Agbadou var leikmaður Eupen í Belgíu áður en hann gekk til liðs við Reims.
Úlfarnir eru í fallbaráttu í ensku úrvalsdeildinni og mun Agbadou berjast við Toti, Craig Dawson og Santi Bueno um byrjunarliðssæti í þriggja manna varnarlínu á meðan Yerson Mosquera er frá út tímabilið vegna krossbandsslita.
Athugasemdir
