ÍR fagnar marki á síðasta tímabili.
Baldur Páll Sævarsson og Sigurður Orri Ingimarsson hafa báðir skrifað undir tveggja ára samning við ÍR.
Baldur kemur frá Víking Reykjavík en flestir ÍR-ingar ættu að þekkja hann þar sem hann æfði með yngri flokkum ÍR og er uppalinn hjá félaginu. Baldur er að upplagi vinstri bakvörður og hefur æft með liðinu í vetur.
Sigurður er uppalinn Keflvíkingur en spilaði með Reyni Sandgerði í fyrra við góðan orðstír. Hann spilaði 16 leiki í 2. deildinni og skoraði sex mörk.
„Þetta eru gleðitíðindi fyrir okkur ÍR-inga. Við hvetjum alla að sjá þessa eðaldrengi þeyta frumraun sína í Egilshöllinni á morgun gegn Víkingi Reykjavík í Reykjavíkurmótinu," segir í tilkynningu frá ÍR.
ÍR kom á óvart í Lengjudeildinni síðasta sumar og endaði í fimmta sæti.
Athugasemdir
