Arne Engels, leikmaður Celtic, var heppinn að ekki fór verr þegar hann fékk pening í höfuðið þegar liðið tapaði gegn Rangers í erkifjendaslag í Skotlandi í dag.
Engels kom inn á sem varamaður þegar stundafjórðungur var til loka venjulegs leiktíma. Þegar hann var að gera sig tilbúinn til að taka hornspyrnu féll hann í jörðina þegar peningur flaug úr stúkunni og fór í höfuðið á honum.
Brendan Rogers, stjóri Celtic, staðfesti eftir leikinn að það væri í lagi með leikmanninn en hann hafi verið heppinn þar sem það munaði ekki miklu á því að peningurinn hafi hafnað í auganu á honum.
Ranges hefur fordæmt atvikið harðlega. Þá tjáði Alistair Johnston, leikmaður Celtic, sig um atvikið.
„Það eru manneskjur hérna, synir einhverra, svo við skulum forðast það að kasta hlutum í höfuðið á mönnum," sagði Johnston.
Rangers vann leikinn 3-0 en Celtic er samt sem áður með 11 stiga forystu á toppnum. Rangers gæti átt yfir höfði sér refsingu vegna atviksins en félagið ætlar að aðstoða lögreglu í rannsókn málsins.
Athugasemdir
