Ólafur Hrannar Kristjánsson var ráðinn eftirmaður Vigfúsar og ræddi Óli Hrannar við Fótbolta.net skömmu eftir að fréttirnar um Vigfús og KR bárust í gær. Tíðindin komu honum á óvart, en samt ekki, eins og sjá má í spilaranum neðst.

„Ég hafði bara ekki hugmynd um það, en nei. Fúsi er náttúrulega eldklár og mikill fótboltaheili. Ég held að hann eigi eftir að reynast Pálma mjög vel. Mjög spennandi verkefni," sagði Óli Hrannar.

„Ef það var einhvern tímann á borðinu þá var það mjög fljótt slegið niður aftur"
Sú slúðursaga gekk á milli manna skömmu eftir að Vigfús hætti að hann myndi hætta við að hætta og fá inn Óla Hrannar sér til aðstoðar.

„Það voru alls konar sögur á lofti og ég heyrði sjálfur fullt af sögum út um allt, fleiri en bara þá sögu. Ef það var einhvern tímann á borðinu þá var það mjög fljótt slegið niður aftur."

„Þetta var ein af fjölmörgum sögum sem ég heyrði," sagði Óli Hrannar og hló.