Mynd: EPA

Tyrkland er komið áfram í 8-liða úrslit á EM eftir sigur á Austurríki í kvöld.

Merih Demiral var hetja liðsins en hann kom liðinu yfir eftir vandræðagang í vörn Austurríkis eftir hornspyrnu.

Hann var ansi sterkur varnarlega í leiknum og hélt áfram að ógna í hornum. Eftir klukkutíma leik skallaði hann boltann í netið eftir hornspyrnu frá Arda Guler og kom liðinu í 2-0.

Stuttu síðar minnkaði Gregoritsch muninn með marki eftir enn eina hornspyrnuna.

Mert Gunok markvörður Tyrkja gulltryggði liðinu svo sigurinn þegar hann varði skalla frá Christoph Baumgartner á lokasekúndum leiksins.