Leeds náði ekki að vinna umspil Championship-deildarinnar í maí og við það myndaðist þrýstingur á að selja leikmann til að standast fjárhagsreglur.

„Við skiljum það að það eru mikil vonbrigði fyrir stuðningsmenn að missa uppalinn hæfileikaríkan leikmann. Allir hjá Leeds eru miður sín að sjá hann fara," segir í tilkynningu Leeds.

Gray blómstraði undir stjórn Daniel Farke, lék bæði sem hægri bakvörður og miðjumaður. Hann lítur sjálfur á sig sem miðjumann aðallega. Hann er af mikilli fótboltafjölskyldu og Andy faðir hans er fyrrum leikmaður Leeds.

Archie Gray var valinn ungi leikmaður ársins í Championship-deildinni en hann segir í samtali við samfélagsmiðla Tottenham að þetta hafi verið tækifæri sem hann hefði ekki getað hafnað.