Portúgal er komið áfram í átta liða úrslit á EM eftir sigur á Slóveníu í vítaspyrnukeppni í kvöld.
Cristiano Ronaldo fékk tækifæri til að vinna leikinn í framlengingu fyrir Portúgal þegar liðið fékk vítaspyrnu. Hann lét hins vegar Jan Oblak verja frá sér en það vakti athygli að Ronaldo brast í grát eftir vítaklúðrið.
Ronaldo greindi frá því eftir leikinn að ástæðan fyrir því að hann hafi grátið væri ástríðan fyrir leiknum en ekki að hann væri líklega að spila á sínu síðasta EM á ferlinum.
„Ég hefði getað gefið liðinu forskot en mér tókst það ekki, Oblak varði, ég hef ekki klúðrað einu sinni á þessu ári og þegar mest á reyndi varði Oblak," sagði Ronaldo.
„Ég fann fyrir sorg og gleði en aðal atriðið er að við komumst áfram, liðið átti það skilið."
