Núna segir á heimasíðu Kortrijk að það séu tólf leikmenn farnir frá félaginu en tveir af þeim eru á láni annars staðar.

Þá eru átta leikmenn sem voru á láni hjá félaginu að fara og tveir sem eru núna samningslausir.

Kortrijk er að byrja að vinna að því að styrkja leikmannahóp sinn fyrir næstu leiktíð en Freyr sagði frá því á dögunum að íslenskir leikmenn væru á lista hjá sér.

„Ég þarf fimm byrjunarliðsmenn og fimm í viðbót sem geta byrjað. Þetta eru tíu leikmenn. Ég er með gott fjármagn ef ég þyrfti ekki að fá tíu leikmenn. Við þurfum að vera klókir í að nota peninginn rétt," sagði Freyr.

Kortrijk leikur áfram í belgísku úrvalsdeildinni á næsta tímabili eftir að hafa bjargað sér með ótrúlegum hætti.