Katalóníustórveldið Barcelona er sagt horfa til Mikel Arteta, stjóra Arsenal, ef ákveðið verður að skipta um stjóra hjá félaginu í náinni framtíð.
Þetta kemur fram hjá Sport í dag.
Þetta kemur fram hjá Sport í dag.
Fyrrum spænski landsliðsmaðurinn Xavi er í dag stjóri Barcelona en það hefur ekkert gengið sérlega vel hjá honum. Börsungar eru á eftir Real Madrid í deildinni og er liðið fallið úr leik í Meistaradeild Evrópu. Eftir áramót mun Barcelona taka þátt í Evrópudeildinni.
Ef vikið verður frá Xavi og hans hugmyndum, þá mun sjónin beinast að Arteta sem hefur verið að vinna flott starf með Arsenal á Englandi.
Arteta, sem er fertugur að aldri, steig sín fyrstu skref á fótboltaferli sínum með Barcelona og þekkir félagið mjög vel.
Arsenal er sem stendur á toppi ensku úrvalsdeildarinnar og hefur Arteta fengið mikið hrós fyrir starf sitt hjá Lundúnafélaginu.
Athugasemdir