Rashford hefur verið með bestu leikmönnum United á þessari leiktíð og er nann nú þegar með 7 mörk í öllum keppnum.

Það er allt annað að sjá hann á þessu tímabili en síðasta. Enski framherjinn hefur opnað sig um andlega erfiðleika á síðasta ári og átti hann erfitt með að koma sér í rétt hugarástand fyrir leiki.

Evra hefur miklar mætur á Rashford og segir að hann eigi eftir að gera frábæra hluti í framtíðinni.

„Ég er ekki hissa á að hann hafi skorað 100 mörk fyrir félagið. Hann mun verða að einum besta leikmanni heims, það er alveg klárt, en hann mun þurfa tíma. Það hefur verið mikill pirringur í kringum hann því við vitum öll hvað hann er fær um að gera,“ sagði Evra.

„Þegar við hugsum til baka þegar hann byrjaði hjá Louis van Gaal, þá gat maður séð ástríðina og hvernig hann fagnaði með vinum sínum. Síðar sáum við Rashford sem virtist annars hugar og þegar þú gerir ein mistök drepur fólk þig og segir að þú sért slæmur leikmaður,“ sagði hann ennfremur.