Ísak Snær Þorvaldsson, sem var valinn besti leikmaður Bestu deildarinnar hér á Fótbolta.net, fór í gær yfir sumarið með Breiðabliki í ítarlegu viðtali.
Hægt er að hlusta á viðtalið í heild sinni í spilaranum hér fyrir neðan.
Hægt er að hlusta á viðtalið í heild sinni í spilaranum hér fyrir neðan.
Í viðtalinu var Ísak - sem skoraði 14 mörk í Bestu deildinni í sumar - spurður að því hvaða varnarmenn hefðu verið erfiðastir viðureignar á tímabilinu sem var að líða.
Nefndi hann tvo miðverði sérstaklega, einn úr Víkingi og hinn úr Vestmannaeyjum.
„Kyle (McLagan) fór mjög mikið í taugarnar á mér. Hann komst vel inn í hausinn á mér. Eiður Aron í ÍBV, ég átti erfitt með hann," sagði Ísak.
„Í bikarleiknum á móti Víkingum var Kyle að segja hluti við mig sem gerðu mig brjálaðan... Eiður Aron, hann er kannski ekki í besta liðinu en það er mjög erfitt að eiga við hann."
Ísak hjálpaði Blikum að vinna Íslandsmeistaratitilinn í sumar en næsta skref hans er að fara til Rosenborg í Noregi eftir áramót.
Athugasemdir