Reiss Nelson var besti maður Arsenal í 5-0 sigrinum á Nottingham Forest í ensku úrvalsdeildinni síðastliðinn sunnudag.
Nelson er 22 ára gamall og uppalinn í Arsenal en átt erfitt með að brjóta sér leið inn í liðið.
Nelson fékk tækifærið gegn Forest í gær er Bukayo Saka meiddist á 27. mínútu og nýtti Englendingurinn tækifærið vel með því að skora tvö og leggja upp eitt í sigrinum.
Þetta var fyrsti deildarleikur hans á tímabilinu en einhvern veginn tóku tveir aðilar þá ákvörðun að setja fyrirliðabandið á hann í Fantasy leiknum vinsæla.
Í Fantasy-leiknum í ensku úrvalsdeildinni velja menn draumalið þar sem leikmenn fá stig fyrir atriði eins og að skora mörk og halda hreinu.
Nelson er ekki mjög vinsæll í leiknum þar sem hann hefur spilað lítið sem ekkert en tveir aðilar voru það sniðugir að setja á hann fyrirliðabandið. Hvernig þessir tveir aðilar tóku þessar ákvörðun, það verður líklega aldrei vitað.
Nelson skilaði þeim 32 stigum!
Leikmaðurinn sjálfur sá þessi tíðindi á samfélagsmiðlum í gær. Hann er að leita að þessum einstaklingum og ætlar að gefa þeim treyjur.
You got no idea how much I rate! 😂
— Reiss Nelson (@ReissNelson9) October 31, 2022
How can I find out who did this? I’d love to give them a shirt! 🫶🏽@OfficialFPL https://t.co/E1uDk5QL92
Athugasemdir