Enska úrvalsdeildarfélagið Wolves er komið aftur í viðræður við spænska þjálfarann Julen Lopetegui en þetta kemur fram í frétt Guardian.
Wolves lét Bruno Lage fara frá félaginu í síðasta mánuði og þá var Lopetegui rekinn frá Sevilla á svipuðum tíma.
Hann var fyrsti kostur hjá Wolves en viðræðurnar gengu illa og ætlaði Lopetegui að taka sér hlé frá þjálfun.
Það var því í annað sinn sem hann hafnaði félaginu á ferlinum en nú er von fyrir Wolves.
Samkvæmt frétt Guardian er Wolves aftur komið í samband við Lopetegui og miðar viðræðum áfram. Félagið vonast til þess að ganga frá samningum á næstu dögum.
Steve Davis hefur verið bráðabirgðastjóri Wolves síðan Lage var rekinn.
Athugasemdir
