Orri Steinn Óskarsson.
Orri í leiknum gegn Man City í gær.
Orri Steinn Óskarsson sýndi það og sannaði í gærkvöldi að hann er með efnilegri sóknarmönnum heims. Hann byrjaði gegn Englands- og Evrópumeisturum Manchester City og átti virkilega flottan leik.
Íslenski sóknarmaðurinn lagði upp mark FCK í leiknum með snotri hælsendingu.
Íslenski sóknarmaðurinn lagði upp mark FCK í leiknum með snotri hælsendingu.
Orri hefur verið utan hóps í undanförnum deildarleikjum en það verður í raun að teljast óskiljanlegt þar sem Orri hefur nýtt tækifæri sín vel og skorað átta mörk og lagt upp sjö í 29 leikjum á tímabilinu. Hann er að skora mark á 161 mínútna fresti.
Orri sagði þó eftir leik að hann hafi aldrei tapað sjálfstraustinu. „Ég get verið ánægður með það hvernig ég spilaði leikinn og vonandi held ég svona áfram. Ég er með nóg af sjálfstrausti en þú verður að hugsa vel um það svo það hverfi aldrei. Ef þú ert ekki með sjálfstraust, þá ertu ekki með neitt."
FCK mætir næst Lyngby á sunnudaginn og það er spurning hvort Orri Steinn fái að vera í hóp þar. Vonandi er það svo.
Merkileg tölfræði
Orri er aðeins 19 ára gamall en FCK náði því merkilega afreki í gær að byrja leik í útsláttarkeppni Meistaradeildarinnar með þrjá táninga í liðinu. Ásamt Orra þá byrjuðu þeir William Clem og Victor Froholdt leikinn.
Þetta er í fyrsta sinn síðan 1996 að lið teflir fram þremur táningum í byrjunarliði sínu í útsláttarkeppni Meistaradeildarinnar en Ajax gerði það þá.
The first team to name three teenagers in the starting XI of a Champions League knockout game since Ajax in 1996:
— Squawka (@Squawka) March 6, 2024
? 19-year-old William Clem
? 19-year-old Orri Óskarsson
? 18-year-old Victor Froholdt
Fair play, @FCKobenhavn. ????#UCL pic.twitter.com/DFrjMnbqvY
Athugasemdir
