Spænsku risarnir í FC Barcelona hafa áhuga á portúgalska bakverðinum Diogo Dalot.
Dalot er 23 ára gamall og búinn að festa sig í sessi í byrjunarliði Rauðu djöflanna. Hann er auk þess að berjast um byrjunarliðssæti í ógnarsterku landsliði Portúgala þar sem úrvalsdeildarbakverðirnir Joao Cancelo, Cedric Soares og Nelson Semedo koma einnig til greina.
Börsungar hafa verið með njósnara á leikjum Man Utd á upphafi tímabils til að fylgjast með Dalot sem rennur út á samningi næsta sumar. Rauðu djöflarnir eiga þó möguleika á að framlengja samninginn um eitt ár.
Dalot spilaði 30 leiki á síðustu leiktíð en hefur nú þegar spilað 10 leiki á nýju tímabili. Hann er fremstur í goggunarröðinni hjá Erik ten Hag.
Athugasemdir
