Hinn þaulreyndi Birkir Már Sævarsson er búinn að framlengja samning sinn við Val út næstu leiktíð.
Birkir Már, sem verður 38 ára í nóvember, er lykilmaður í varnarlínu Vals og var áður fyrr lykilmaður í íslenska landsliðinu en lagði skóna á hilluna í fyrra.
Hann einbeitir sér nú að íslenska boltanum með Val þar sem hann hefur verið að gera flotta hluti.
Birkir Már lék fyrir Brann og Hammarby sem atvinnumaður auk þess að eiga um 250 keppnisleiki að baki fyrir Val.
Hann hefur spilað alla leiki Vals í Bestu deildinni í sumar og síðasta sumar og ljóst að hann verður aftur mikilvægur hlekkur á næsta ári.
Athugasemdir
