Fyrrum markvörðurinn, Iker Casillas, greindi frá því á samfélagsmiðlum fyrr í dag að hann væri kominn út úr skápnum, en hann hefur nú eytt færslunni og sent afsökunarbeiðni til LGBT-samfélagsins.
Casillas sagði frá því á samfélagsmiðlum að hann væri samkynhneigður og gaf þá Carles Puyol, fyrrum samherji hans í spænska landsliðinu, til kynna að þeir væru í ástarsambandi.
Spænskir fjölmiðlar hafa síðan fullyrt að þarna væri Casillas að reyna að vera kaldhæðinn. Þar kom fram að hann væri þreyttur á slúðursögunum um að hann væri með nýrri konu í hverri viku og vildi því slá á létta strengi.
Casillas hefur eytt færslunni síðan og birt nýja færslu þar sem hann greinir frá því að hafa orðið fyrir barðinu á hökkurum.
„Aðgangur minn var hakkaður. Það er sem betur fer allt komið í lag. Ég bið alla fylgjendur mína afsökunar og auðvitað bið ég LGBT-samfélagið afsökunar í leiðinni," skrifaði Casillas á Twitter.
Hvað var sagt?
Færslan var birt í fyrr í dag og hefur ekkert borist frá Puyol til þessa. Mikil reiði er í LGBT-samfélaginu þessa stundina, enda er talið að Casillas hafi veirð með aumkunarvert grín á kostnað samkynhneigðra og það þegar stutt er í HM í Katar, stað þar sem réttindi samkynhneigðra eru svo lítil sem engin.
„Ég vona að þessi ákvörðun mín verði virt: Ég er samkynhneigður," skrifaði Casillas á Twitter í dag og fékk svar frá Puyol.
„Það er kominn tími til að segja frá okkur, Iker," svaraði Puyol og lét fylgja hjarta og kyssutjákn.
Cuenta hackeada. Por suerte todo en orden. Disculpas a todos mis followers. Y por supuesto, más disculpas a la comunidad LGTB. 🙏
— Iker Casillas (@IkerCasillas) October 9, 2022
Athugasemdir
