Komdu með stuðninginn til Portúgals
Ísland mætir Portúgal í umspili um sæti á HM kvenna 2023 næstkomandi þriðjudag. Icelandair verður með beint flug á leikinn og til baka. Takmarkað framboð er af sætum og ganga bókanir hratt.
Þriðjudaginn 11. október næstkomandi mætast Ísland og Portúgal á Estádio Capital do Móvel í Portúgal. Leikurinn er mjög mikilvægur og þá munar um stuðning landa í stúkunni.
Vinni Ísland leikinn, í venjulegum leiktíma eða framlengingu þá er liðið öruggt um sæti á HM.
Svona tækifæri koma ekki oft og því hefur Icelandair við sett saman pakkaferð fyrir stuðningsfólk.
Í boði er dagsferð til Porto 11. október.
Verð á mann 69.900,-
Innifalið: Flug, miði á leik Íslands gegn Portúgal og rúta til og frá flugvelli erlendis.
Nánar má lesa um ferðina á vef Icelandair.
Athugasemdir
