Arsenal lagði Liverpool að velli í ensku úrvalsdeildinni og endurheimti þannig toppsætið af ríkjandi meisturum Manchester City.
Arsenal hefur farið feykilega vel af stað og er með 8 sigra eftir 9 umferðir en Liverpool situr í tíunda sæti, 14 stigum eftirá og með leik til góða.
Staðan var 2-2 í gríðarlega fjörugu einvígi á Emirates leikvanginum þegar heimamenn í Arsenal fengu dæmda vítaspyrnu. Brotið var á Gabriel Jesus innan vítateigs en Jordan Henderson, fyrirliði Liverpool, var allt annað en sáttur.
Úr varð nokkuð skrautlegt rifrildi en að lokum steig Bukayo Saka á vítapunktinn og gerði dýrmætt sigurmark Arsenal.
Athugasemdir
