Þróttur hefur samið við miðjumanninn Tonny Mawejje en þetta staðfesti Gregg Ryder þjálfari liðsins í samtali við Fótbolta.net í dag.
Tonny hefur gert samning sem gildir út næsta tímabil.
Tonny hefur gert samning sem gildir út næsta tímabil.
Tonny þekkir íslenska boltann vel en hann spilaði með ÍBV frá 2009 til 2013.
Í fyrra spilaði Tonny síðan síðari hluta sumars með Val í Pepsi-deildinni.
Tonny yfirgaf norska félagið Haugesund fyrr á árinu en hann hefur undanfarið æft í heimlandi sínu Úganda. Þá hefur hann einnig spilað leiki með landsliði Úganda í sumar.
Tonny er væntanlegur til landsins á miðvikudag, sama dag og félagaskiptaglugginn opnar. Tonny gæti spilað sinn fyrsta leik gegn Þór annan laugardag en hann verður ekki með gegn Selfyssingum á mánudag.
Athugasemdir
