Það er kominn hálfleikur í leikjum kvöldsins í Meistaradeildinni. Það er mesta fjörið í Mónakó þar sem heimamenn eru að gera jafntefli gegn Barcelona.
Barcelona lenti í vandræðum snemma leiks þegar Eric Garcia braut á Takumi Minamino sem var að sleppa einn í gegn og fékk rautt spjald.
Stuttu síðar kom Maghnes Akliouche Mónakó yfir. Hinn 17 ára gamli Lamine Yamal jafnaði metin eftir hálftíma leik en staðan er 1-1 í hálfleik.
Yamal hefur verið stórkostlegur undanfarið en hann fór hamförum með spænska landsliðinu sem var Evrópumeistair í sumar. Hann hefur komið að þrettán mörkum hjá spænska landsliðinu og Barcelona í síðustu þrettán leikjum.
Það er fátt um fína drætti í Bergamó þar sem Arsenal er í heimsókn hjá Atalanta. Staðan er markalaus í hálfleik. Þá kom Benjamin Sesko RB Leipzig yfir gegn Atletico Madrid yfir á Spáni snemma leiks eftir góða skyndisókn.
Antoine Griezmann jafnaði metin og staðan er jöfn í hálfleik.
Atalanta 0 - 0 Arsenal
Atletico Madrid 1 - 1 RB Leipzig
0-1 Benjamin Sesko ('4 )
1-1 Antoine Griezmann ('28 )
Brest 1 - 1 Sturm
1-0 Hugo Magnetti ('23 )
1-1 Edimilson Fernandes ('45 , sjálfsmark)
Monaco 1 - 1 Barcelona
1-0 Maghnes Akliouche ('16 )
1-1 Lamine Yamal ('28 )
Rautt spjald: Eric Garcia, Barcelona ('11)
Lamine Yamal has 13 goal involvements in his last 13 games for club and country. Generational ?? pic.twitter.com/YAdabnoXjk
— Football on TNT Sports (@footballontnt) September 19, 2024
